NYAMBUT GAWE LAN MAKARYO
Nyambut gawe kuwi artine nyilih gawe. Sing nduwe gawe kuwi pimpinane awakke dewe. Yen ono lingkungan deso yo pak Ka Des utowo Pak Lurah . Yen ono sekolah yo Kepala Sekolah.Menowo ono linbgkungan kabupaten yo Bapak utowo Ibu Bupati. Dadi pokokke kepolo utowo atasan kito
Kito Nyambut gawe utowo nyilih gawe mesti manut karo sing kagungan gawe yoiku pimpinan utowo atasan kito . Ojo nganti mbalelo utowo ora manut. Yen kedadean koyo mangkono banjur sing duwe gawe wis ora ngersaake mesti sliramu bakal disuwun maneh pegaweane terus nganggur lontang lantung koyo panji klantung.
Mula kudu dingerteni yen sak elek eleke pimpinan kito iku sing kagungan gawe dadi ojo ndelok rupo, ijazah utowo kepiterane sing penting angger ngasto beslit kepolo yo sing gadah gawe, kudu dianuti lan dituruti.
Jaman saiki kadang akeh pegawai sing ora nganggo prinsip nyambut gawe utowo nyilih gawe ananging makaryo. Opo makaryo iku ? kuwi lho : golek Mangan, Koyo/ kekayaan lan joyo utowo gengsi. Ingatase pegawai andahan ora duwe isin yen nerak- nerak hukum sing penting makaryo. Mripat lan atine uwis wuto ora duwe roso nganti sugih blegedu tanpo ndeleng akeh liyan sing kanggo mangan wae kangelan. Opo rumangsane dheweke bakal urip sak lawase.
Menowo anggone nyambut gawe utawa makaryo bener bener nuruti hukum , mesti bakal kjinormatan saka rikolo lenggfah nbgfabnti paripurno. Anamnging menaowo nerak nerak hukum wal wal gedhuwal sandal aspal diuntal mesti bakal konangan. Yen toh ora konangan sing ngelengake biasana rumah sakit amargo rogo diloloh bondo kang kharom.
Yen wis konangan dadi nglunthung amung dodol pring alias pringas pringis. Ajine dadi ora ono . Sing isin ora amung dheweke ananging garwo lan putro saha kulowargo bakal entuk tlutuhe.
Mulo bener ngendikane poro ustadz lan kiyai bilih Kito kewajiban njogo awak lan kulowargo soko panase nroko lan sak biso bisoa ninggal telung perkoro yoiku amal jariah, putro wayah ingkang saget ndongakake lan nyuwunake pangapuro wong tuwo soho ilmu kang dimanfaatake. Aja giri -giri golek jenang ananging golek jeneng ateges pun jogo asma sing apik ora aji mumpung kuwoso banjur sakgeleme dhewe.
Mulo bener ngendikane poro ustadz lan kiyai bilih Kito kewajiban njogo awak lan kulowargo soko panase nroko lan sak biso bisoa ninggal telung perkoro yoiku amal jariah, putro wayah ingkang saget ndongakake lan nyuwunake pangapuro wong tuwo soho ilmu kang dimanfaatake. Aja giri -giri golek jenang ananging golek jeneng ateges pun jogo asma sing apik ora aji mumpung kuwoso banjur sakgeleme dhewe.
Kanggo nggayuh kahanan iku perlu bondo utowo rejeki kang khalalan toyyibah kang kapodosi kanti nyambut gawe utowo makaryo kang nurut aturan. Mugi Alloh paring kekiyatan kagem kito sedoyo supados mboten kagodo syaitonbirrojhim ingkang tansah luru bolo. (Comara 15 Maret 2012)
0 Response to "Nyambut Gawe Lan Makaryo ( Bekerja Dan Berkarya)"